கனவின் அடைவு

அனுமதி கிடைத்தாயிற்று

நான்கு வருட
உழைப்பினூடாகப் பாய்ந்து வரும்
வெற்றியலை இது

உள்ளச் சிறையிலிருந்த
ஓராயிரம் கனவுகளுக்கு
நிஜதரிசனம் தருவதற்கான
உரிமம் இது

சூரியன் முறுகி உறுமும்
நண்பகற் பொழுதொன்றில்
அதனை நானடைந்தேன்

அன்று –
கருக்கொண்ட முகிலொன்று
என் தலைமேற் கவிழ்ந்திற்று

ஊமை விலங்கொடித்து
என் உள்மனம் பாடிற்று

பஞ்சுப் பொதி போலொரு
பசுந்தளிர்க் கரம்
என் முரட்டுக் கரங்களிடை
முறுவலித்துச் சயனித்த
அந்த அந்திப் பொழுதில்
என் ஆன்மா அலறிற்று

இனி –
இறந்தாலும் கவலையில்லை!

March 2006